Хууль зүйн зөвлөх үйлчилгээ

Civil Law Disputes
- Эд хөрөнгийн маргаан;
- Эд хөрөнгийн эрхийн маргаан;
- Оюуны өмчийн маргаан;
- Үүргийн эрх зүйн маргаан;
- Гэрээний эрх зүйн маргаан;
- Дундын өмчөөс үүсэх үүргийн маргаан;
- Үндэслэлгүйгээр хөрөнгөжсөнөөс үүсэх үүргийн маргаан;
- Гэм хор учруулснаас үүсэх үүргийн маргаан;
- Өвлөх эрхийн маргаан;
- Компанийн эрх зүйн маргаан;
- Гэр бүлийн эрх зүйн маргаан;
- Хөдөлмөрийн маргаан;
- Гадаад, дотоодын хөрөнгө оруулалтын маргаан;
- Шүүхийн шийдвэр гүйцэтгэх ажиллагаатай холбогдох маргаан.
Захиргааны эрх зүйн маргаан
- Захиргааны байгууллага, албан тушаалтнаас иргэн, хуулийн этгээдийн эрх, хууль ёсны ашиг сонирхлыг нь хөндсөн үйлдэл, эс үйлдэхүйтэй холбоотой хэрэг маргаанд захиргааны эрх зүйн чиглэлээр мэргэшсэн хуульч, өмгөөлөгч нар өмгөөлөл, төлөөллийн үйлчилгээ үзүүлнэ. Мөн захиргааны байгууллага албан тушаалтнуудад захиргааны акт гаргах үйл ажиллагаанд хууль эрх зүйн зөвлөгөө өгч, хууль эрх зүйн дүгнэлт гаргана.
Эрүүгийн эрх зүйн маргаан
- Эрүүгийн хуульд заасан гэмт хэргийн улмаас хохирсон хувь хүн, хуулийн этгээдийн өргөдөл, гомдлын эх бэлтгэх, эрүүгийн хэрэг хянан шийдвэрлэх ажиллагаанд байлцах, мөрдөгч, прокурор, шүүгч зэрэг албан тушаалтны шийдвэр үйл ажиллагаанд гомдол гаргахаас бүрдэнэ.
- Эрүүгийн хуульд заасан гэмт хэргийн улмаас хувь хүн, хуулийн этгээдийн эрх ашиг сонирхол хөндөгдсөн, эд хөрөнгөнд нь хохирол учирсан бол түүнийг сэргээлгэх, нөхөн төлүүлэхтэй холбоотой асуудалд өмгөөллийн үйлчилгээ болон хууль зүйн туслалцаа үзүүлэхээс гадна дор дурдсан гэмт хэргийг үйлдсэн хуулийн этгээдэд өмгөөллийн үйлчилгээ үзүүлнэ.
Гэрээ хэлцэл,дүрэм журам боловсруулах
- Гэрээ байгуулах асуудлаар зөвлөгөө өгөх;
- Байгуулагдсан гэрээний хэрэгжилттэй холбоотой асуудлаар зөвлөгөө өгөх;
- Гэрээний маргааныг шийдвэрлүүлэх асуудлаар зөвлөгөө өгөх;
- Гэрээ цуцлах, татгалзах, дүгнэх асуудлаар зөвлөгөө өгөх;
- Гэрээ, хэлцэл, түүнд оруулах нэмэлт өөрчлөлт, актын төсөл боловсруулах, хянах;
- Гэрээтэй холбоотой асуудлаар шинжилгээ хийж, эрх зүйн дүгнэлт боловсруулах
- Дүрэм журам, бичиг баримтын эхийг Англи, Монгол, Орос хэл дээр боловсруулах, хянах, санал боловсруулах зэрэг үйлчилгээг үзүүлнэ.
Дампуурлын эрх зүй
- Дампуурлын эрх зүйн зохицуулалтын талаар зөвлөгөө өгөх;
- Дампуурсан аж ахуйн нэгжийн удирдлагыг сольж, дахин хөрөнгөжүүлэн үйл ажиллагаагаа явуулах боломжийг эрэлхийлэх;
- Хууль бус гэрээ хэлцлийг илрүүлж хуулийн дагуу арга хэмжээ авах;
- Хуульд заасны дагуу тодорхой журмын дагуу явагдах шат дараатай, цогц ажиллагаанд бид зөвлөх үйлчилгээ үзүүлж байна.
Тендер
- Төрийн болон орон нутгийн өмчийн хөрөнгөөр бараа, ажил үйлчилгэ худалдан авах тухай хууль тогтоомжийн талаар зөвлөгөө өгөх;
- Тендерт оролцогчийн материал, шаардлагатай бичиг баримтыг хуульд заасан бүрдлийн шаардлагыг хангах, бэлтгэх;
- Тендерийн бичиг баримтыг боловсруулах, хянах;
- Түншлэлийн гэрээ хэлцэл боловсруулах, хянах;
- Өрсөлдөөний тухай хууль тогтоомжийн хүрээнд зөвлөгөө өгөх, эрхээ шүүхээс гадуур хамгаалах талаар бүхий л талын туслалцаа, дэмжлэг үзүүлэх;
- Тендерийн маргааныг төрийн эрх бүхий байгууллагаар шийдвэрлүүлэх ажиллагаанд үйлчлүүлэгчийг төлөөлөх, өмгөөлөгчөөр оролцох;
- Нийлүүлэгч, гүйцэтгэгчээс төсөл зохиох, хэрэгжүүлэх чиглэлээр сургалт явуулах, түүнчлэн судалгаа, шинжилгээ хийх, зураг төсөл боловсруулах, бусдын ажилд хяналт тавих зэрэг мэргэжлийн үйлчилгээ үзүүлж байна.
Тусгай зөвшөөрөл
- Бид нийтийн ашиг сонирхол, хүний эрүүл мэнд, хүрээлэн байгаа орчин, улс орны аюулгүй байдалд хохирол учруулж болзошгүй, тодорхой нөхцөл, нарийн мэргэжил шаардах аж ахуйн зарим үйл ажиллагааг эрхлэхэд тусгай зөвшөөрөл олгох, түдгэлзүүлэх, хүчингүй болгохтой холбоотой аливаа харилцаанд хууль зүйн зөвлөгөө өгч, шаардлагатай эрх зүйн бичиг баримтын эхийг боловсруулах, хянах, бичиг баримтын бүрдүүлбэр хангахад зөвлөх, хууль зүйн дүгнэлт гаргаж өгөх зэрэг үйлчилгээг үзүүлж байна.
Татварын маргаан
- Аж ахуйн нэгжийн орлогын албан татвар,
- Нэмэгдсэн өртгийн албан татвар,
- Хувь хүний орлогын албан татвар,
- Нийгмийн даатгалын шимтгэл төлөлт,
- Татварын багц хууль тогтоомж, тайлбар, заавар, дүрэм, журмын талаар зөвлөгөө өгөх;
- Давхар татварын олон улсын хоёр талт хэлэлцээрийн талаар зөвлөгөө өгөх;
- Татварын Улсын байцаагчийн актын хууль зүйн үндэслэлийг тодорхойлох;
- Бүх шатны татварын маргаан таслах комисст хандах өргөдөл, гомдлын эх бэлтгэх, хуралд төлөөлөн оролцож, актын хууль бус болохыг зөвшөөрүүлэх талаар шаардлагатай бүхий л ажиллагааг түргэн хугацаанд авч хэрэгжүүлнэ.
Гэр бүлийн эрх зүй
- Гэрлэлтийн гэрээ, гэрлэлт цуцлах, хүүхдийн асрамж, хүүхдийн тэтгэлэг тогтоолгох, дундын өмчлөлийн эд хөрөнгө хуваарилах асуудлаар хууль зүйн зөвлөгөө өгч ажиллана.
Өв залгамжлал
- Өвлүүлэгчийн эд хөрөнгө, эрхийг өвөлж авахтай холбоотой Иргэний хууль тогтоомжийн зохицуулалтын талаар зөвлөгөө өгөх, өвлөгдсөн эд хөрөнгийг хуваарилахтай холбогдон үүссэн маргаанд хууль зүйн зөвлөгөө өгч оролцоно.
Аялал жуулчлал, зочид буудал
- Аялал жуулчлал болон зочид буудлын томоохон төслийн баримт бичиг, тусгай зөвшөөрөл, үйл ажиллагааны дүрэм, журам, гэрээ, хэлцэл зэргийн эхийг боловсруулах, хянах, хууль зүйн дүгнэлт боловсруулах, хууль зүйн зөвлөгөө өгөх үйлчилгээг үзүүлж ажиллана.
Үл хөдлөх, хөдлөх эд хөрөнгө
- Аливаа хөрөнгө худалдах, худалдан авах, бэлэглэх, аливаа хэлбэрээр шилжүүлэх, шилжүүлэн авах, түрээслэх, барьцаалахтай холбоотой гэрээ, хэлцэл боловсруулах, шаардлагатай гэрээ, хэлцлийг эрх бүхий байгууллагад бүртгүүлэх;
- Хөрөнгөд ногдох аливаа татвар, хураамж, төлбөрийн талаар зөвлөгөө өгөх;
- Аливаа өмч, хөрөнгө, түүнийг эзэмших, ашиглах, бусдад барьцаалах, үүрэг ногдуулсан хэлцэл хийх, баталгаа гаргах, захиран зарцуулахтай холбоотой хууль тогтоомжийн талаар мэргэжлийн хуулийн зөвлөгөө өгөх;
- Аливаа хөрөнгийг түрээслэх, хөлслөх, дамжуулан түрээслэх зэрэг асуудлаар зөвлөгөө өгөх, түүнчлэн шаардлагатай бүх гэрээ, хэлцлийг боловсруулах, санал өгөх, хэлэлцээрт төлөөлөх, эд хөрөнгө засан сайжруулахтай холбоотой гэрээний төслийг бэлтгэх;
- Үл хөдлөх, хөдлөх эд хөрөнгөтэй холбогдох аливаа маргаанд үйлчлүүлэгчийг төлөөлөн оролцох, хэрэг хянан шийдвэрлэх ажиллагаанд өмгөөлөгчөөр оролцох.
Барилга, бүтээн байгуулалт
- Монгол Улсын барилга, зам, дэд бүтцийн салбарын эрэлт хэрэгцээ, хөгжил дэвшил жил ирэх тусам өсөн нэмэгдэж буй энэ үед хууль тогтоомжид нийцүүлэн, аливаа эрсдэлгүй ажиллахад зориулж хууль эрх зүйн туслалцаа, зөвлөгөө, гэрээ хэлцэл, дүрэм, журам, эрх зүйн бичиг баримтыг хуульд нийцүүлэн боловсруулах, хянах, хууль зүйн дүгнэлт боловсруулах үйлчилгээг үзүүлж байна.
Шүүхийн шийдвэрийн дагуу төлбөр барагдуулах ажиллагаа
- Иргэний шийдвэр гүйцэтгэх ажиллагаанд үйлчлүүлэгчийг төлөөлөн оролцож, төлбөрийг түргэн шуурхай гаргуулахад хууль зүйн туслалцаа үзүүлэх, төлбөр төлөгчийн хувьд шүүхийн шийдвэр гүйцэтгэх ажиллагаа хуульд нийцсэн эсэх, төлбөр төлөгчийн эрх ашгийг зөрчсөн эсэх асуудлаар хуулийнзөвлөгөө өгөх, өмгөөлөгчөөр оролцох, шаардлагатай тохиолдолд дээд шатны байгууллага, албан тушаалтанд өргөдөл, гомдол гаргах, шүүхэд хандан шийдвэрлүүлэх зэргээр хууль зүйн туслалцаа үзүүлнэ.
Компанийн эрх зүй
- Компани, нөхөрлөл, холбоо, сан, хоршоо, хуулийн этгээдийн салбар төлөөлөгчийн газрын эрх зүйн орчны талаар зөвлөгөө өгөх;
- Компани, нөхөрлөл, холбоо, сан, хоршоо зэргийг үүсгэн байгуулах, эрх бүхий байгууллагад бүртгүүлэх асуудлаар зөвлөгөө өгөх;
- Компани, нөхөрлөл, холбоо, сан, хоршоо зэргийг татан буулгах, эрх бүхий байгууллагад бүртгүүлэх асуудлаар зөвлөгөө өгөх;
- Компанийн хувьцаа шилжүүлэх талаар зөвлөгөө өгөх;
- Төлөөлөгчийн газар үүсгэн байгуулах, өөрчлөх, татан буулгах асуудлаар зөвлөгөө өгөх;
- Компанийг нэгтгэх, нийлүүлэх, хуваах, тусгаарлах, өөрчлөх, татан буулгах эрх зүйн үндэслэлийг гаргах, холбогдох баримт бичгийг боловсруулах;
- Компанийн хувьцааг хэсэгчлэн болон бүхэлд нь худалдах гэрээ, баримт бичгийг боловсруулах;
- Компани болон бусад хуулийн этгээдийн дотоод үйл ажиллагааг зохицуулах баримт бичгүүдийг боловсруулах;
- Шинжилгээ хийж, эрх зүйн дүгнэлт боловсруулах;
- Компанийн үйл ажиллагаанд эрх зүйн магадлан дүгнэлт хийх;
- Гадаад, дотоодын хөрөнгө оруулалттай компани үүсгэн байгуулах, хуулийн этгээдийн улсын бүртгэлийн мэдээлэлд өөрчлөлт оруулах, улсын бүртгэлд бүртгүүлэх, бизнесийн бүх төрлийн гэрээ хэлцэл, дүрэм, журам, бусад эрх зүйн бичиг баримтын эхийг монгол, англи, орос, солонгос хэлээр боловсруулах, хянах;
- Олон улсын худалдааны бүх төрлийн гэрээ хэлцэл, худалдааны үйл ажиллагааг зохицуулах дүрэм, журмуудын эхийг монгол, англи, орос, солонгос хэлээр боловсруулах, хянах;
- Хувьцаа эзэмшигчдийн хурлын тогтоол, хувьцаа эзэмшигчийн шийдвэр, Төлөөлөн удирдах зөвлөлийн тогтоол зэргийг боловсруулах, хянах.
Хөдөлмөрийн эрх зүй
- Хөдөлмөрийн тухай хууль тогтоомжийн зохицуулалтад үйл ажиллагаагаа нийцүүлэх, хуулийг зөв хэрэглэх талаар зөвлөгөө өгөх;
- Аливаа байгууллагын үйл ажиллагааны чиглэлээс хамааран заавал дагаж мөрдүүлэх шаардлагатай дотоод дүрэм, журам, эрх зүйн бичиг баримтын эхийг боловсруулах, хуульд нийцүүлэн нэмэлт, өөрчлөлт оруулах, хянах, зөвлөх;
- Хөдөлмөрийн гэрээ, хөлсөөр ажиллах гэрээ, контракт, ажлын байрны тодорхойлолт, хамтын гэрээ, хөдөлмөрийн дотоод журам, эд хөрөнгийн бүрэн хариуцлагын гэрээ, нууц хадгалах гэрээ, нууцын журам, компанийн ёс зүйн дүрэм, журам зэргийг боловсруулах, өрсөлдөөний талаархи зохицуулалтыг гэрээ, журамд тусгах /Non Compete Clause/;
- Хөдөлмөрийн аюулгүй байдал, эрүүл ахуйн тухай хууль тогтоомжийн хүрээнд шаардлагатай дүрэм, журам, эрх зүйн бичиг баримтыг боловсруулах, хянах, үйлдвэрлэлийн осолтой холбогдуулан зөвлөгөө өгөх;
- Байгууллагын удирдлагаас гаргах аливаа тушаал, шийдвэрийн төсөл боловсруулах, хянах. Тухайлбал: Дүрэм, журам батлах, ажлаас халах, сахилгын шийтгэл ногдуулах г.м;
- Бүх төрлийн дотоодын болон олон улсын маргаан /үндэслэлгүй халагдсан, ажилд буцаан томилох, ээлжийн амралт, цалин дутуу олгосон, нууц задруулсан, байгууллагад эд хөрөнгийн хохирол учруулсан, гэрээгээр хүлээсэн үүргээ зөрсөн г.м/-д гадаад, дотоодын иргэн, хуулийн этгээд, байгууллагыг төлөөлөх, шүүхээс гадуур маргааныг шийдвэрлэх талаар эрмэлзэж энэ талаар бүхий л туслалцаа, дэмжлэгийг үзүүлэх, шүүхэд өмгөөлөгчөөр оролцох;
- Хөдөлмөрийн хамтын болон ганцаарчилсан маргаанд өмгөөлөгчөөр оролцох;
- Төрийн албаны зөвлөлд үйлчлүүлэгчийг төлөөлөх;
- Хуулийн этгээдийн хөдөлмөрийн харилцаанд шаардагдах гэрээ хэлцэл, тушаал, заавар, дүрэм, журмын эхийг боловсруулах, хөдөлмөрийн эрх зүйн чиглэлээр сургалт зохион байгуулах, хөдөлмөрийн хамтын болон ганцаарчилсан маргаанд өмгөөлөгчөөр оролцож, хууль эрх зүйн зөвлөгөө өгөх.
Банк, санхүүгийн эрх зүй
- Банк бус санхүүгийн үйл ажиллагаа, даатгал, үл хөдлөх эд хөрөнгө зуучлалын чиглэлээр үйл ажиллагаа явуулах талаар хууль зүйн зөвлөгөө өгөх, хууль зүйн дүгнэлт боловсруулах, шаардлагатай дүрэм, журам, гэрээ, хэлцэл, эрх зүйн бичиг баримт боловсруулах, хянах;
- Зээлийн санхүүжилтийн урьдчилсан гэрээ /term sheet/, үндсэн гэрээ, барьцааны гэрээ /хөдлөх, үл хөдлөх, хувьцаа/, бүх төрлийн баталгааны гэрээ, даатгалын гэрээ, эрх шилжүүлэх гэрээ, барьцааны зүйлийг хамтран барьцаалах гэрээ зэргийг Англи, Монгол, Орос хэл дээр боловсруулах, хянах;
- Санхүүжилтийн урьдчилсан нөхцөл (CPs)-ийг биелүүлэх, шаардлагатай бичиг баримтыг боловсруулах;
- Үүргийн гүйцэтгэлийг барьцаагаар хангуулах /үл маргах буюу шүүхээс гадуур, эсхүл шүүхийн шатанд/.
Ашигт малтмал, байгаль орчны эрх зүй
- Ашигт малтмалын тухай хууль тогтоомжийн талаар зөвлөгөө өгөх;
- Ашигт малтмал ашиглах үйл ажиллагаа явуулахад хуулийн зөвлөгөө өгөх, химийн хортой болон аюултай бодис ашиглах, хадгалах тусгай зөвшөөрөл хүсэх үйл ажиллагаанд хуульчаар оролцох, уулын баяжуулах үйлдвэрийг байгуулах, ил болон далд уурхайн үйл ажиллагааг явуулахад шаардагдах эрх зүйн бүхий л бичиг баримтуудын эхийг боловсруулах, хянах, төслийн үйл ажиллагааг амжилттай хэрэгжүүлэхэд хуулийн ерөнхий зөвлөхөөр ажиллах;
- Тусгай зөвшөөрлийн маргаантай асуудлаар зөвлөгөө өгөх;
- Тусгай зөвшөөрөлтэй компанид хөрөнгө оруулахад зөвлөгөө өгөх, холбогдох гэрээ, баримт бичгийг боловсруулах;
- Тусгай зөвшөөрлийг шилжүүлэхтэй холбоотой гэрээ, хэлцэл, баримт бичгийг боловсруулах;
- Ашигт малтмалын тусгай зөвшөөрлийг шилжүүлэх, бүртгүүлэхэд шаардлагатай баримт бичгийн төсөл боловсруулах;
- Хууль зүйн дүгнэлт боловсруулах;
- Ашигт малтмалын тусгай зөвшөөрөлтэй хуулийн этгээдийн үйл ажиллагаанд шаардлагатай дүрэм, журам, гэрээ хэлцэл, эрх зүйн бичиг баримтын эхийг боловсруулах, хянах үйлчилгээг үзүүлнэ.
Даатгалын эрх зүй
- Нөхөн төлбөрийн баримт бичиг, бүрдүүлэх ажиллагаанд зөвлөх, төлөөлөх;
- Даатгалын гэрээ болон нөхөн төлбөр гаргуулах маргаанд өмгөөлөгчөөр оролцох;
- Даатгалын байгууллагуудын үйл ажиллагаа явуулах эрх зүйн орчинд судалгаа дүгнэлт гаргах, санал боловсруулах;
- Даатгалын нөхөн төлбөр олгох, авахтай холбоотой харилцаанд үйлчлүүлэгчийн төрийн эрх бүхий байгууллага, шүүхэд төлөөлөх, аливаа маргааныг шүүхээс гадуур шийдвэрлэх талаар зөвлөгөө өгөх, гүйцэтгэх;
- Даатгалын үйл ажиллагаа явуулахад шаардагдах бүх төрлийн гэрээ хэлцлийн эхийг боловсруулах, даатгалын компани үүсгэн байгуулах бичиг баримт, дүрэм журмын эхийг боловсруулах, даатгалын хэрэг маргаанд өмгөөлөгчөөр оролцож, хууль зүйн зөвлөгөө өгнө.
Оюуны өмч
- Оюуны өмчийн хууль тогтоомжийн талаар зөвлөгөө өгөх,шинэ бүтээл, бүтээгдэхүүний загвар, ашигтай загвар, барааны тэмдэг, зохиогчийн эрхийн бүтээлийг баталгаажуулах зэрэг асуудлаар хууль зүйн зөвлөгөө өгөх;
- Оюуны өмчийн харилцаанаас үүссэн маргаантай асуудлаар зөвлөгөө өгөх;
- Патент, шинэ бүтээл, бүтээгдэхүүний загвар, ашигтай загвар, барааны тэмдэг, зохиогчийн эрхийн бүтээлийн онцгой эрхийг бүртгүүлэхэд шаардлагатай эрх зүйн ач холбогдол бүхий баримт бичгийн төсөл боловсруулах;
- Патент, шинэ бүтээл, бүтээгдэхүүний загвар, ашигтай загвар, барааны тэмдэг, зохиогчийн эрхийн бүтээлийн онцгой эрхийг шилжүүлэх гэрээ боловсруулах, хянах.

Та зөвлөгөөний цаг авах бол энд дарна уу

Үйлчилгээ

Хууль зүйн зөвлөх үйлчилгээ