Манай өмгөөллийн нөхөрлөл нь иргэн, захиргаа, эрүүгийн эрх зүйн чиглэл тус бүрээр мэргэшсэн олон жилийн туршлага, ур чадвартай хуульч, өмгөөлөгчидтэй бөгөөд үйлчлүүлэгчийнхээ эрх, хууль ёсны ашиг сонирхлыг хуулийн хүрээнд тууштай хамгаалан ажилладаг. Бид үйлчлүүлэгчиддээ ажлын явцын талаар байнга мэдээлэл өгч, тэдний санал, хүсэлтийг хүлээн авч, байнгын харилцаа холбоотой хамтран ажиллахыг зорьдог.

Манай хуульч, өмгөөлөгчидта бүхэнд өмгөөлөл, хууль зүйн туслалцааг хэрэг хянан шийдвэрлэх ажиллагааны бүх үе шатанд үзүүлэн ажиллаж байна.

• Иргэний эрх зүйн маргааны хүрээнд:
  • Иргэний эрх зүйн маргааныг шүүхийн болон шүүхийн бус журмаар шийдвэрлэхэд үйлчлүүлэгчийг төлөөлөх, хууль зүйн туслалцаа үзүүлэх;
  • Нэхэмжлэл, гомдол, хүсэлтийн төсөл боловсруулах, нэхэмжлэлийн шаардлагыг ихэсгэх, өөрчлөх, нотлох баримт бүрдүүлэх, нэхэмжлэл, гомдлын хариу тайлбар боловсруулах, сөрөг нэхэмжлэл гаргах, хүсэлт гаргах;
  • Тухайн хэрэг маргаантай холбогдуулан төрийн эрх бүхий байгууллагад өргөдөл, гомдол, хүсэлтгаргах;
  • Шүүхийн шийдвэр гүйцэтгэх ажиллагаанд оролцох.
• Бидний ажилладаг иргэний эрх зүйн хэрэг маргааны төрлүүдээс дурдвал:
  • Бүх төрлийн гэрээ, хэлцэлтэй холбоотой /Ажил гүйцэтгэх гэрээ, Зээлийн гэрээ, Худалдах, худалдан авах гэрээ, Түрээсийн гэрээ гэх мэт/ маргаан;
  • Хөдөлмөрийн маргаан;
  • Гэм хор учруулснаас үүсэх үүргийн маргаан;
  • Өмчлөх, эзэмших, ашиглах эрхтэй холбоотой маргаан;
  • Оюуны өмчийн маргаан;
  • Хуулийн этгээдийн үүсгэн байгуулагч, хувьцаа эзэмшигчдийн хоорондын маргаан;
  • Нийтийн зориулалттай орон сууц өмчлөх, эзэмших, ашиглах эрхийн маргаан;
  • Өв залгамжлал, гэрээслэлтэй холбоотой маргаан;
  • Гэрлэлт цуцлуулах болон дундын өмчлөлийн эд хөрөнгө хуваарилахтай холбоотой маргаан;
• Эрүүгийн эрх зүйн маргааны хүрээнд
  • Хэрэг бүртгэлт, мөрдөн байцаах ажиллагаа, шүүхийн хэрэг хянан шийдвэрлэх ажиллагаанд өмгөөлөгчөөр оролцох;
  • Шаардлагатай бусад эрх зүйн зөвлөгөөг үйлчлүүлэгчид өгөх.
• Бидний ажилладаг эрүүгийн эрх зүйн хэрэг маргааны төрлүүдээс дурдвал
  • Хүний амь бие, эрүүл мэндийн эсрэг гэмт хэрэг;
  • Хүний эрх, эрх чөлөө, алдар хүнд, нэр төрийн эсрэг гэмт хэрэг;
  • Хүүхэд, гэр бүл, нийгмийн ёс суртахууны эсрэг гэмт хэрэг;
  • Иргэдийн улс төрийн болон бусад эрх, эрх чөлөөний эсрэг гэмт хэрэг;
  • Өмчлөх эрхийн эсрэг гэмт хэрэг;
  • Аж ахуйн эсрэг гэмт хэрэг;
  • Нийгмийн аюулгүй байдлын эсрэг гэмт хэрэг;
  • Хүн амын эрүүл мэндийн эсрэг гэмт хэрэг;
  • Байгаль хамгаалах журмын эсрэг гэмт хэрэг;
  • Тээврийн хэрэгслийн хөдөлгөөний аюулгүй байдлын эсрэг гэмт хэрэг;
  • Захиргааны журмын эсрэг гэмт хэрэг;
  • Албан тушаалын эсрэг гэмт хэрэг.
• Захиргааны эрх зүйн маргааны хүрээнд
  • Шүүхийн болон урьдчилан шийдвэрлэх ажиллагаанд үйлчлүүлэгчийг төлөөлөх;
  • Тухайн хэрэг маргаантай холбогдуулан захиргааны байгууллага, албан тушаалтанд гомдол, хүсэлт, өргөдөл гаргах;
  • Шүүхэд гаргах нэхэмжлэл, бие даасан шаардлага, хүсэлт, гомдол зэргийн төслийг боловсруулах;
  • Шаардлагатай бусад эрх зүйн зөвлөгөөг үйлчлүүлэгчид өгөх;
  • Шүүхийн шийдвэр гүйцэтгэх ажиллагаанд оролцох.
• Бидний ажилладаг захиргааны эрх зүйн нийтлэг хэрэг маргааны төрлүүдээс дурдвал:
  • Ашигт малтмалын тусгай зөвшөөрөлтэй холбоотой маргаан;
  • Газар эзэмших, ашиглах, өмчлөх эрхийн маргаан;
  • Төрийн албаны маргаан;
  • Сонгуулийн маргаан;
  • Татварын маргаан;
  • Оюуны өмчийн бүртгэлийн маргаан;
  • Тендер, сонгон шалгаруулалт, өрсөлдөөний талаарх маргаан;
  • Гаалийн хяналт шалгалтын үйл ажиллагаатай холбоотой маргаан;
  • Улсын бүртгэлийн маргаан;
  • Төрийн хяналт шалгалттай холбоотой маргаан;
  • Үнэт цаас, хувьцааны маргаан;
  • Аж ахуйн үйл ажиллагааны тусгай зөвшөөрлийн маргаан.